Қазір Қазақстанға Omoda және Jaecoo модельдері Қытайдағы Chery Holding Group кәсіпорнынан келеді. Ал 2026 жылдың III тоқсанынан бастап автосалондар Қазақстанда жасалған автомобильдерді алады.
Машиналарды Алматыдағы AMMKZ құрастырады. Конвейерге алдымен алдыңғы жетекті J5 кроссовері тұрады. 1.5 литрлік турбомотор және вариатор қорабы бар модель елге келетіні біраз уақыттан бері белгілі, бірақ дилерлік орталықтарға әлі жеткен жоқ. Кейін қатарға күштік құрылымы 1.5 литрлік мотор мен электромотордан (204 а.к.) тұратын J7 қосылады.
Зауыт Omoda өнімдерін қашан құрастыра бастайтыны белгісіз. Дегенмен компания өкілдері біздің елде C5 пен C7 кроссовері жасалатынын хабарлады. Екеуі де мұнда бұрыннан бар. Бірінші модельдің ұзындығы — 4.4 метр, дөңгелек базасы — 2.63 метр. Ол 1.5 литрлік атмосфералы немесе турбоүрлемді қозғалтқышпен жүреді. Бұл машинаны 10.5–12.5 млн теңгеге аласыз.
Қазақстандағы автосалондар сатып жатқан модельдердің фотосуретін
Kolesa.kz-тегі «Жаңа көліктер» бөлімінен көруге болады. Сайтта барлық модельдің техникалық сипаттамасы, комплектациясы және бағасы толық жазылған.
Жақында Уху қаласында дистрибьюторлық келісім жасалды деген мәлімет тарады. Енді екі брендтің Қазақстандағы ресми өкілі Aster емес, Astana Motors болады.
Комментариев: 0