Lada Niva Legend-ке эйрбэг пен жаңа мотор орнатады

3 маусымда ашылған Санкт-Петербург халықаралық экономикалық форумында АВТОВАЗ Lada Iskra-ның жарыс нұсқасынан бөлек, жаңарған Lada Niva Legend-ті көрсетті, бұл модель 1977 жылдан бері шығып келе жатыр.

1 / 3

• 
• 
• 

1 / 3

Автомобильдегі басты техникалық өзгеріс — 1.7 литрлік агрегаттың орнын 1.8 литрлік бензинді мотор басты. Атмосфералы қозғалтқыш 90 ат күшін береді. Яғни оның қуаты қазіргі моторға қарағанда 7 а.к. және 24 Нм артық. АВТОВАЗ қозғалтқыш ауысқан соң модельдің отын шығыны жақсарды деп мәлімдеді.

1 / 3

• 
• 
• 

1 / 3

Техникасында бірқатар ерекшелік бар, мысалы, стабилизатордың бекіткіш нүктелерінің орны ауысты, алдыңғы осьте желденетін тежеуіш тұр, кейбір шанақ панелі екі жақты болаттан жасалды.

1 / 4

• 
• 
• 
• 

1 / 4

Niva-ның салонында да жаңалық көп. Granta рөлі бірден көзге түседі, мамандар жол талғамайтын көлікке алғаш рет жүргізушіге арналған алдыңғы қауіпсіздік жастығын қойды. Бұған дейін модель жалғыз бүйірлік эйрбэгпен жабдықталған. Беріліс қорабының иінтірегі енді жүргізушіге жақын орналасады. Тағы бір жағымды дүние — жаңарған Niva-да қазіргідей екі бөлек кілт емес, есік пен моторды іске қосатын бір ғана кілт болады.

АВТОВАЗ өкілдері машина қашан конвейерге тұратынын айтқан жоқ.