Lada Iskra жарысқа қатысады

Lada Санкт-Петербург халықаралық экономикалық форумында Iskra-ның жаңа нұсқасын таныстырды. Ол қарапайым жолда жүретін емес, жарысқа арналған нұсқа.

Седанды «ТМС Моторспорт» компаниясы Lada Sport мамандарымен бірге әзірлеген, машина алғашқы маусымы 2027 жылы басталатын жаңа жарыс сериясына қатысады. Монокубок бес кезеңнен тұрады, әр кезеңде 40-60 минуттық екі сайыс болады.

1 / 8

• 
• 
• 
• 
• 
• 
• 
• 

1 / 8

Автомобиль сырттай артында үлкен диффузоры бар жаңа аэродинамикалық бастырық, жүксалғыш қақпағындағы шағын антиқанат, 17 дюймдік дөңгелекке қапталған төмен профильді шина және Tour de Europe бәйгесіне қатысқан 1970 жылдардағы ВАЗ-2101-ді еске салатын ашық көк түсімен ерекшеленеді.

Спорттық Iskra-ның салонында қауіпсіздік қаңқасы, көп нүктелі белдікті орындықтар, спорттық аспаптар панелі және т.б. бар. Седан 218 ат күшіне ие (280 Нм) 1.6 литрлік турбомотор көмегімен қозғалады. Айналу моменті алдыңғы дөңгелектерге 6 сатылы қорап арқылы беріледі.