Jaecoo J7 кроссовері Қазақстанда қанша тұрады

Chery 2023 жылы көктемде Қазақстан нарығына тағы бір суббренді шығатынын хабаралған, бірақ марканың бірінші моделі елге биыл жыл басында ғана жетті.

1 / 5

• 
• 
• 
• 
• 

1 / 5

Қытайда Chery Explore 06 деп аталатын Jaecoo J7 кроссоверінің ұзындығы — 4.5 метр, 186 ат күшіне ие (275 Нм) 1.6 литрлік турбомотормен жүреді, агрегат 7 сатылы роботпен жұптасады. Алдыңғы және толық жетек қолжетімді. Толық жетек Қазақстанда ең үздік комплектацияда ғана болады.

Автосалондар біздің елде Jaecoo J7-нің үш түрленімін сатады. Ең арзан Luxury нұсқасы 14 млн теңге тұрады. Автомобиль алдыңғы және бүйірлік эйрбег, қауіпсіздік пердесі, электронды көмекшілер жиынағы және т.б. заттармен жабдықталған. Сондай-ақ кроссоверде круиз-бақылау, кілтсіз ашу жүйесі, екі аймақты климат-бақылау, сымсыз қуаттау, 10.25 дюймдік цифрлы аспаптар панелі, алты динамик пен 13.2 дюймдік экраны бар медиажүйе және басқалар бар. Жүргізуші орындығын электрлі реттеуге болады және желдету функциясы бар. Орындық, рөл және алдыңғы әйнекті жылыту функциясы опция ретінде ұсынылады.

1 / 5

• 
• 
• 
• 
• 

1 / 5

Орташа Premium комплектациясын 15 млн теңгеге алуға болады. Ол 18 емес, 19 дюймдік дөңгелек дискісі, панорамалы шатыр, жүргізуші тізесін қорғайтын қауіпсіздік жастығы және бейімді круиз-бақылау, автоматты тежеу, жолақта ұстау сияқты электронды көмекшілер жинағымен ерекшеленеді. Аудиожүйенің сегіз динамигі бар, медиажүйе экраны 14.8 дюймдік және проекциялы дисплей орнатылған. Бұл түрленімде алдыңғы жолаушы орындығын электрлі реттеуге болады.

Jaecoo J7-нің үздік нұсқасы 16.5 млн теңге тұрады. Мұндай машина толық жетекті жүйемен ерекшеленеді. Өзге жабдықтары Premium түрленімімен бірдей болады.