Классикалық Simca Kolesa.kz-те сатылады

Kolesa.kz порталында жеңіл көлік сату туралы 166 мыңнан астам хабарландыру бар. Олардың басым бөлігі — жолда жиі кездесетін танымал модельдер. Дегенмен ұмыт болған брендтердің көліктері де кездеседі. Мысалы, 1951 жылы Францияның Нантер қаласында шыққан Simca маркасының төрт есікті седаны.

Simca 1934 жылы Францияда Fiat-пен бірлесіп құрылған. 1950 жылдардың аяғында елдегі Renault-дан кейінгі екінші ірі автоөндірушіге айналды. 1958 жылы компанияның 15 %-ын Chrysler сатып алса, 1963 жылға қарай америкалық концерннің үлесі 77 %-ға жетті. 1970 жылдары Simca бренді тарих қойнауына кетті. Кейін Chrysler-дің Еуропадағы бөлімшесі күйреген соң, оның технологиялары мен өндірістік қуатын Peugeot сатып алды. Франциядағы өндіруші Simca-ның әзірлемесін 1991 жылдың аяғына дейін пайдаланды.

Саудаға шыққан экземпляр — седан (Berline). Бұл өнім 1937–1952 жылдары жарық көрген, жалпы тиражы 112.4 мыңға жуық. 1951 жыл ең табысты кезеңдердің бірі саналады. Сол жылы зауыт 20 568 автомобиль жасады.

Ұзындығы 4 метр, дөңгелек базасы 2.42 метр болатын Simca 8 сырт келбеті өзгерген Fiat 508C еді. Алғашқы нұсқалары 32 ат күшін беретін 1089 текше сантиметрлі қозғалтқышпен жабдықталса, 1949 жылдың аяғынан бастап шыққан модификациялар 41 ат күшіне ие 1.2 литрлік агрегат алды. Артқы дөңгелектерді 4 сатылы механикалық қорап айналдырады.

Хабарландыруда Алматыдағы бұл Simca 8 өте жақсы сақталған және жүріп тұр деп жазылған. Қазақстанда тіркелген. Иесі 6.5 млн теңгеге сұрап отыр.