Lynk & Co 900 кроссовері Қазақстанда ресми түрде сатылады

Geely концернінің құрамына кіретін Lynk & Co Қазақстанға былтыр жазда екі модель — 03 седаны және 09 кроссоверін әкелген. Биыл көктемнің аяғында топтамаға 08 индексті параллель гибрид қосылды. Жақында брендтің флагманы — Lynk & Co 900 келеді.

Компания жаңа модельді Алматыдағы алғашқы фирмалық Lynk & Co шоурумының ашылуы аясында таныстырды. Дегенмен бренд кроссовер Қазақстанға қашан келетінін және қандай түрленімін ұсынатынын хабарламады.

Lynk & Co 900 — ұзындығы 5.24 метр, дөңгелек базасы 3.16 метр болатын ірі кроссовер. Көлік пневматикалық аспа және басқарылатын артқы дөңгелектермен жабдықталған. Оның екі және үш қатарлы салон конфигурациясы бар.

1 / 9

• 
• 
• 
• 
• 
• 
• 
• 
• 

1 / 9

Кроссовер тек параллель гибрид күштік құрылыммен жүреді. Ол 1.5 немесе 2 литрлік бензинді қозғалтқышқа негізделген және екі не үш электромотормен жұптаса жұмыс істейді. Қарапайым нұсқалардың жалпы қуаты 721 ат күшіне тең, ал алдыңғы осьте бір және артқы осьте екі электрлі агрегаты бар ең қуатты түрленімі 857 ат күшіне ие. Электр қуатымен 185-220 км еңсереді, жалпы жүріс қоры 1443 шақырымға жетеді.

1 / 8

• 
• 
• 
• 
• 
• 
• 
• 

1 / 8

Үш қатарлы Lynk & Co 900-дің салонында тұнықтығы 6K болатын 30 дюймдік мультимедиа экраны бар. Жүргізушінің алдында 12.66 дюймдік цифрлық аспаптар панелі және ірі проекциялық дисплей тұр. Жабдықтар тізіміне төбедегі 30 дюймдік монитор және ортаңғы қатардағы бұрылатын жеке креслолар кіреді.

Lynk & Co 900 Қазақстанда жүр. Машина жеке импорттаушылар арасында танымал. Материал жарияланған сәтте Kolesa.kz-те хабарландыру саны 114-тен асты, соның ішінде тапсырыспен жеткізіп беретіндер де кездеседі. Елге кірген жаңа көліктің бағасы 26.9-36.5 млн теңге аралығында.