BMW iX4 сынақтан өтіп жатыр

2025 жылы қыркүйекте жарық көрген Neue Klasse стиліндегі BMW iX3-тің купе тәрізді нұсқасы шығады, оның атауында бензинмен жүретін аналогы сияқты 4 цифрлы индексі болады. Жаңа iX4-тің алғашқы прототипін фотошпиондар биыл қыста байқаған, енді Германиядағы Нордшляйфеде көзге түсті, жұқа камуфляжбен қапталған кроссовер сынақтан өтіп жатыр.

BMW iX4-тің тұсаукесері биыл күзде өтеді деген ақпарат бар. Ал өндірісі 2026 жылдың аяғында Венгриядағы BMW зауытында басталып, 2027 жылы саудаға шығады. Модельдің алдымен 50 xDrive түрленімі нарыққа шығуы мүмкін, iX3-тің саудасы да осы нұсқамен басталған. Демек кроссовер 469 ат күшіне ие (645 Нм) екі моторлы күштік құрылыммен жүреді, батареясы 108.7 киловатт болады.

Carscoops порталы хабарлағандай, болашақта iX4-тің M нұсқасы жарық көреді. Ол төрт моторлы күштік құрылыммен ерекшеленеді.