Су жаңа Chery Explore 06-ның гибрид нұсқасы шықты

Chery Explore 06-ның жаңа түрленімін таныстырды. Тыңшылар түсірген суреттер тарап кетті. Бұған дейін жол талғамайтын көлік бензинді қозғалтқышпен ғана ұсынылған, ал қазір дәстүрлі мотор және электромотор тізбегіне ие болып, соның арқасында үнемді әрі ұзақ жол жүреді. Жергілікті нарыққа гибрид Eplore 06 жыл аяғында шығу керек. Дәстүрлі қозғалтқышпен жүретін нұсқасын Jaecoo J7 сияқты шетелге сатады.

Гибрид Chery Explore 06-ның сыртқы ерекшелігі — артқы порттағы қосымша ойық пен дизайны жаңа радиатор торы. Стилистердің не себепті Chery деген көлемді жазуды алып тастағаны белгісіз.

Бензин-электрлі модификация үш сатылы DHT-мен жұптасқан 1.5 литрлік моторға негізделген жүйеге ие болады. Бензинді түрі 156 ат күші мен 220 Нм береді. Жалпы қуаты белгісіз. Бұндай кроссовер орташа есеппен 100 шақырымға 4.2 литр отын жұмсайды, ал жалпы жүріс қоры — 1400 км. Борттық аккумулятор 18 минутта 80 %-ке дейін қуатталады.

1 / 5

• 
• 
• 
• 
• 

1 / 5

Суреттерден салонда ешқандай өзгеріс жоқ екені байқалады. Автомобиль екі дисплейін, ірі тік желдеткіш дефлекторын, брендке тән беріліс қорабының селекторын және қозғалыс режимін таңдау шайбасын сақтап қалады.

Қазақстанға Jaecoo J7 қарашада келеді деп болжанған. Ал Ресей нарығына бірнеше апта бұрын шығады. Екі елде де сипаттамасы ұқсас J7 сатылады. Ресейде сатылатын көліктің моно жетекті, толық жетекті түрленімін де 7 диапазонды роботпен жұптасқан турботөрттікпен (186 а.к.) жабдықтайды. Болжам бойынша біздің елге автомобиль Қытайдан келеді.