Jaecoo J7 Қазақстанға желтоқсанда келеді

Жақында Қазақстанда тағы бір Chery суббренді пайда болатыны біраз уақыт бұрын белгілі болған. Енді Jaecoo автомобильдері саудаға шығатын уақыт анықталды. Бренд топтамасындағы алғашқы модель — J7 кроссовері. Ол биыл желтоқсанда қолжетімді болады.

Қытайда Chery Explore 06 деген атаумен танымал 4.5 метрлік J7 модификациясының техникалық сипаттамасы әзірге белгісіз. Ресей автосалондарында 7 сатылы роботпен жұптасқан 1.6 литрлік турбомоторы бар J7 сатылып жатыр. Автомобиль толық жетекті.

Қазақстанда J7-нің үш түрленімін (Luxury, Premium 2WD және Premium 4WD) ұсынады. Бірақ модельдердің жабдықтар тізімі құпия қалып отыр. Автоматты тежеу жүйесі, бейімді круиз-бақылау, жол белгісін тану, жолақтан шықпау және оны бақылау сияқты жүргізуші ассистентінің жинағы қымбат модификацияда болатыны ғана белгілі. Сонымен бірге осы машинаға ғана проекциялық дисплей орнатады деп болжанған.

Автомобиль елімізде қаншаға саудаланатыны туралы айту ерте. Десе де Ресей нарығына көз салып, кроссовердің бағасын топшылай аламыз. Көрші елде базалық J7 толық жетекті Chery Tiggo 7 Pro Max-пен бірдей тұрады. Қазақстанда да Ресейдегі баға сақталса, онда клиенттер Jaecoo J7-ні кемі 14.2–14.5 млн теңгеге алады.