Ең арзан Huawei кроссоверінің интерьері қандай болады

IT саласындағы алпауыт Huawei мен SAIC концерні Қытай нарығына Shangjie маркасымен қадам басатын H5 моделі туралы ауық-ауық ақпар беріп жатыр. Бұл жолы салонының суретін жариялады. Одан машина бюджеттік санатқа кірсе де, премиум көлік сияқты жабдықталғаны байқалады.

Shangjie H5-тің интерьері ықшам әрі ұстамды стильде әрленген, медиажүйе экраны қалқып тұрғандай әсер қалдырады, рөлі қырлы. Ортаңғы тоннельде ешқандай батырма жоқ, тек ауа тартқыш, сымсыз қуаттағыш және стақан қойғыш тұр. Салонын былғарымен қаптаған.

Динамиктердің хромдалған жақтауы, жүргізушіні бақылайтын камера мен алдыңғы орындықтың артындағы гаджет ілетін бекітпелер де бірден көзге түседі. Huawei смартфондары модельдің медиажүйесіне сымсыз қосылады деген болжам бар. Дисплей артында шағын домалақ экран орналасқан. Ол жарық бергіш пен аудиожүйені басқаратын электрондық аватар қызметін атқарады-мыс.

1 / 4

• 
• 
• 
• 

1 / 4

Shangjie H5-тің ұзындығы — 4780 мм, дөңгелек базасы — 2840 мм. Бренд кроссоверді электрокар ретінде де, тізбекті гибрид ретінде де сатады. Ол 655 және 1300 шақырымды еркін еңсереді. Қытай басылымдарының болжамынша бағасы 180 мың юаньнан (13.5 млн теңге) басталады. Марка жаздың аяғына қарай тапсырыс қабылдап, бірнеше аптадан кейін клиенттеріне жеткізеді.