Huawei мен SAIC жаңа брендтің алғашқы кроссоверін көрсетті

Қытайда жаңа Shangjie брендінің алғашқы моделінің ресми фотосуреті жарияланды. Марка Huawei мен SAIC бірлескен кәсіпорынның бір бөлігі саналады. Shangjie H5 биыл күзде нарыққа шығады. Бағасы 150–200 мың юань (11–14.5 млн теңге) болады.

Shangjie бренді Қытайда биыл наурызда құрылған. Ол Huawei мен жергілікті автоөндірушілер арасындағы бірлескен жобаларды қамтитын HIMA (Harmony Intelligent Mobility Alliance) экожүйесінің бесінші өнімі. IT-гигант бұған дейін Aito, Luxeed, Stelato және Maextro маркасының негізін қалаған, Shangjie олардың ішіндегі ең бюджеттік бренд болады.

Компания Shangjie H5-тің сырт пішінінің суретін жариялады, одан машина дизайнында аса үлкен жаңалық жоқ екенін байқауға болады. Радиатор торының орнында тұтас панель орналасқан, бұл кроссовердің электрлі күштік құрылыммен жүретінін аңғартады. Бірақ көліктің техникалық сипаттамасы әлі белгісіз.

Дәстүрлі есік тұтқасы мен үлкен айна жаңа өнімнің салыстырмалы түрде қолжетімді болатынын білдіреді. Бірақ Shangjie H5 төбесінде үлкен лидар орналасқан. Кроссовердің ең қымбат комплектациясы үшінші деңгейлі автономды басқару жүйесі қамтамасыз ететін Huawei-дің үздік электронды көмекшілер жинағымен ерекшеленеді. Сондай-ақ Huawei жаңа өнімді «цифрлы кокпит» және заманауи медиатехнологиямен жабдықтайды.

1 / 4

• 
• 
• 
• 

Камуфляждағы Shangjie H5 прототипі

Камуфляждағы Shangjie H5 прототипі

Камуфляждағы Shangjie H5 прототипі

Камуфляждағы Shangjie H5 прототипі

1 / 4

SAIC пен Huawei Қытай нарығындағы ең бәсекеге толы сегменттен орын тапқысы келеді. Концерн 2024 жылы Қытайда сатылған жеңіл автомобильдің 70 %-ы 200 мың юаннан арзан модельдер екенін айтты.