GAC-тың жаңа өнімі — рамалы Trumpchi Yue 7

Қазір Trumpchi топтамасында седан, кроссовер және минивэн бар. Yue 7 — марканың алғашқы жол талғамайтын көлігі. Машинаның шанағында GAC концернінің логотиптері тұр, ал Trumpchi атауы тек сөз жүзінде қалды. Компания брендтің позициясын әлі толық анықтап алмаған сияқты.

Yue 7 — рамалы шассиге негізделген қырлы пішінді жол талғамайтын көлік. Оның дизайны Land Cruiser Prado, Leopard 5 және соңғы Defender-ге ұқсайды. Өлшемдері — 4999–5045 (комплектациясына қарай) × 2030 × 1933 мм, дөңгелек базасы — 2900 мм. Салмағы — 2330 кг. Кіру, шығу бұрышы — 30° және 33°. Клиренс туралы ақпарат жоқ, бірақ суреттерден биік екені байқалады.

1 / 9

• 
• 
• 
• 
• 
• 
• 
• 
• 

1 / 9

Машина жаңа GMC (GAC Motor Coupling) 3.0 Thunder PHEV архитектурасын алған. Оған 167 ат күшін беретін 1.5 литрлік бензинді турбомотор және бір немесе екі электрлі агрегат кіреді. Гибрид құрылымның жалпы қуаты белгісіз, бірақ CATL-GAC NMC батареясының (28.3 не 45 кВт·сағ) арқасында электр қуатымен 116 және 188 км еңсереді. Жалпы жүріс қоры 1537 шақырымға жетеді.

Қытайда Yue 7-нің базалық нұсқасында моножетек, шағын батарея, ADiGO кешені болады. Үздік түрленімі екі электромотор, толық жетек жүйесі, дифференциал бұғаттағыш, сыйымдылығы жоғары батарея және All-Terrain шинасымен жабдықталады.

Клиент комплектацияға екі технологиялық пакет қоса алады. Біріншісі лидар мен картасыз жұмыс істейтін жақсарған автопилот, оны қосқан соң жүргізуші көліктің қозғалысын бақылап отырады. Екіншісінде (Off-Road/Camping) экспедицияға қажет жүксалғыш, баспалдақ және V2L протоколы арқылы басқа құрылғыға қуат беруге болатын кемпинг режимі бар.

Trumpchi Yue 7 Қытайда 2026 жылдың III тоқсанында саудаға шығады. Бағасы — 250–350 мың юань (~17—24 млн теңге).