Электрокар өндірушілердің табысынан шығыны көп

Электромобиль өндірісі әлі шығыны көп бизнес саналады. Rho Motion сарапшылары батареялы және гибрид машина шығаратын компаниялардың қаржылық есебін зерттеп, осындай қорытындыға келді. Былтыр әлемде төрт автоөндірушінің ғана қарқыны жақсы, кейбірі бизнесін қаражат құю арқылы сақтап отыр.

2024 жылы Tesla ең жоғары операциялық маржаға ие болды — 7.2 %. BYD нәтижесі бұдан сәл төмен (6.4 %), бірақ сарапшылар концерннің кірісі артып, Tesla көрсеткіші төмендеп жатқанын атап өтті. Бұл істен пайда көрген өзге екеуі — қытайлық Aito-ның құрамына кіретін Li Auto мен Seres Group.

Zeekr, Xpeng, Leapmotor сияқты маркалар жақсы дамып келеді, олар жақында жақсы нәтижеге жетуі мүмкін. Leapmotor кейінгі екі жылда шығын мөлшерін екі есе қысқартты. Nio-ның жағдайы мәз емес, маржа деңгейі — минус 30 %. Polestar мен Rivian да мақтана алмайды.

Америкалық Lucid Motors-тың халі мүшкіл, марка көрсеткіші 2024 жылы минус 374 % болды. Бір жыл бұрын бұл көрсеткіш 500 % болған, демек премиум өндірушінің жағдайы біртіндеп оңалып келе жатқан сияқты. Бірақ Lucid әлі араб серіктестерінің мол қаражатының арқасында жұмыс істеп тұр.