Басына қара бұлт төнген Volkswagen AG-дің басшысы концерн жоспарын сөз ете отырып, жуырда бірнеше зауыт жабылатынын айтқан. Солардың бірі Германиядағы Неккарзульм қаласында орналасқан Audi алаңы. Жағдайдың бұлай өзгеруі қызметкерлерге ұнамағаны анық, олар қолына транспарант ұстап, шеруге шықты деп жазды Reuters. Агенттік есебінше шараға 6 мыңға жуық адам қатысқан.
Жұмысшылар болашағына алаңдайды, себебі Volkswagen AG кәсіпорынды жабамыз деп шешсе, шеберлердің жағдайы не болатынын ашық айтпапты. Басшылар бірнеше ай бойы жанжалға толы келіссөздер өткізетін сияқты.
Неккарзульмдегі Audi қазір A5 және A6 топтамасындағы модельдер мен e-tron GT-ді құрастырып жатыр. Мұнда 15 мың адам еңбек етеді.
Комментариев: 0