Ан Цунхуэй Volvo зауытында премиум модельдер шығармақшы.
9 сағат бұрын||200
Авторы: Виктор Сухоруков
17 тамызда Geely Automobile басшысы ауысты. Компанияның жаңа төрағасы — Ан Цунхуэй. Ол Еуропа нарығына шығуға қатысты жоспарларын жариялады.
Марка Испанияда Ford-пен бірге кәсіпорын құрып, Geely EX2 өндірісін қолға алып қана қоймай, топтамасындағы кейбір премиум көлікті Еуропада жасайды. Топ-менеджер қарт құрлыққа нақты қай бренд баратынын нақтыламады. Бірақ Қытайдағы басылымдар Zeekr болуы мүмкін дейді.
Geely EX2
Ан Цунхуэй Geely-дің шетелге қатысты стратегиясында Volvo-ның Еуропадағы зауыттары маңызды рөл атқарады деді. Сондықтан дәл осы өндіріс орындары Zeekr және Lynk & Co өнімдерін шығаратын алаңға айналуы мүмкін деген болжам бар. Болашақ модельдер қай зауыттың конвейеріне тұратыны белгісіз.
Қазір Volvo-ның екі кәсіпорны Швеция мен Бельгияда бар. Олардың қатарына 2027 жылы ашылатын Словакиядағы жаңа зауыт қосылады.
Комментариев: 0