Mercedes-Benz жаңа батареялы кроссовердің прототипін сынақтан өткізіп жатқанын хабарлады. Бұл бұған дейін EQC ретінде танылған модельдің ізбасары, бірақ көлік нарыққа GLC with EQ Technology деген күрделі атаумен шығады. Суреттерге қарап, дизайнына қатысты қорытынды шығаруға болады. «Мерседестің» кейбір техникалық сипаттамасы да белгілі.
Электрлі GLC дәстүрлі пішінін сақтап қалады, бірақ дизайны өзгереді. Камуфляждың астынан үш сәулелі жұлдыз тәрізді күндізгі жүріс шамы бар жарық техникасы, жасырын есік тұтқасы және пішіні ерекше бесінші есік пен ірі артқы қанат көрінеді. Уақыт өте келе сұйық отын тұтынатын GLC де осы стильде жасалуы мүмкін. Компания жетек түріне қарай бөлінетін дизайндағы айырмашылықтардан бас тартатынын мәлімдеді.
Базалық нұсқасы артқы осьте тұратын бір электромотормен жабдықталады, ол жоғары технологиялық инвертор және 2 сатылы редуктормен жұптасады. Қымбатырақ модификация жеке редукторы бар қосымша алдыңғы қозғалтқыш алады. Энергия үнемдеу мақсатында оны толықтай өшіруге болады. Батарея мен салон микроклиматының термореттегіші, қарапайым механизм мен рекуперация мүмкіндігі бар бапталған тежеуіш жүйесі, жақсарған аккумуляторлар сияқты инновациялық технологиялар қолданылады.
Батареялы GLC қайта қуаттаусыз 650 шақырым еңсере алады. 800 вольттық архитектураның арқасында энергия қоры жылдам толады және
Қазір Mercedes-Benz GLC with EQ Technology Швецияда суықта түрлі сынақтан өтіп жатыр, кейінірек электромобиль Оңтүстік Африканың 50 градус ыстығына барады. Күзде Мюнхендегі автосалонда сериялық нұсқасы жарық көреді, оны бренд 2026 жылы сата бастайды.
Комментариев: 0