Үлкен Алматы айналма жолын ақылы пайдалану ережесіне енген өзгеріс 2026 жылы 5 тамызда жарияланды, құжат 16 тамызда күшіне енеді. Осы күннен бастап құны мынадай болады:
- жеңіл автомобиль үшін — 0.14 АЕК немесе 2026 жылы 605.5 теңге (қазір — 0.07 АЕК);
- орын саны 16-дан аспайтын автобус және 2.5 тоннаға дейін жүк көтеретін жүк көлігі — 0.16 АЕК немесе 692 теңге (қазір — 0.08 АЕК);
- орын саны 32-ден аспайтын автобус және 5.5 тоннаға дейін жүк көтеретін жүк көлігі — 0.28 АЕК немесе 1211 теңге (қазір — 0.14 АЕК);
- орын саны 32-ден көп автобус және 10 тоннаға дейін жүк көтеретін жүк көлігі — 0.32 АЕК немесе 1384 теңге (қазір — 0.16 АЕК);
- 10–15 тонна жүк көтеретін жүк көлігі — 0.4 АЕК немесе 1730 теңге (қазір — 0.2 АЕК);
- 15 тоннадан артық жүк көтеретін жүк көлігі, тіркемесі бары мен ершікті тартқышты қоса алғанда — 0.44 АЕК немесе 1903 теңге (қазір — 0.22 АЕК).
2026 жылы Қазақстанда 1 АЕК 4325 теңгеге тең.
Құжатқа сәйкес жол ақысын алдын ала не жол жүргеннен кейін жеті күн ішінде төлеген жүргізушіге 50 % жеңілдік беріледі. Сегізінші күннен бастап төлем толық көлемде, яғни жаңа тариф бойынша есептеледі.
Ал абонемент бағасы өзгерген жоқ: айлық абонемент — 0.5–2.5 АЕК, жылдық абонемент — 5–25 АЕК.
Комментариев: 0