Toyota жаңа Highlander-ді көрсетті

Бірнеше тизерден кейін Toyota жаңа кроссоверін ресми түрде таныстырды. Ол АҚШ-та Highlander топтамасының ізбасары болады, соның атауын да алады. Автомобиль электрлі күштік құрылыммен жабдықталады, дизайны алдыңғы буындардан өзгеше.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Жаңа өнімнің сырт келбеті 2021 жылы жарық көрген bZ Large SUV концептісіне негізделген. Сериялық нұсқаның пішіні мен артқы жарық шамы өзгермеген, бірақ алдыңғы бөлігі брендтің қазіргі фирмалық стиліне сай жасалған. Машина өлшемі жағынан төртінші буындағы Highlander-ден ірі: ұзындығы — 5050 мм, дөңгелек базасы — 3050 мм. Жүксалғыш көлемі — 450 литр, ал үшінші қатардағы орындықтарды бүктегенде 1292 литрге жетеді.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Салоны ортаңғы консольдің дизайнымен ерекшеленеді. Алдыңғы бөлігінде екі смартфонға арналған орын бар, оның ортасында бірнеше батырма мен жүріс режимін таңдауға арналған селектор орналасқан. Панельде екі экран тұр: 14 дюймдік мультимедиа дисплейі және 12.3 дюймдік цифрлық аспаптар панелі. Алдыңғы әйнекке проекция түседі.

Кроссовер нұсқасына қарай екінші қатардағы екі бөлек орындықпен немесе тұтас диванмен жабдықталады. Үшінші қатар екі жолаушыға арналған.

Жабдықтар тізіміне Toyota Safety Sense 4.0 (TSS 4.0) жүргізуші ассистенттерінің кешені, USB-порттар, орындық жылытқыш және желдеткіш, рөл жылытқыш, 6 немесе 11 динамикті аудиожүйе және т.б. кіреді.

Марка АҚШ-та электрлі Highlander-дің бірнеше түрленімін ұсынады. Базалық модель алдыңғы осьте орналасқан бір электромотормен (221 а.к.; 268 Нм) және 77 кВт·сағ батареямен жүреді. Бренд қымбат нұсқаның артқы осіне қосымша электрлі қозғалтқыш орнатады, жалпы қуаты 338 ат күшіне (438 Нм) тең. Толық жетекті модельдерге 95.8 киловаттық аккумулятор қоюға болады. Жүріс қоры — 434-515 шақырым. NACS қуаттау порты барлық комплектацияда қолжетімді, бұл Tesla станцияларын қолдануға мүмкіндік береді.

Батареялы Highlander Кентукки штатындағы зауыттың конвейеріне тұрады. Алғашқы сериялық көлік 2026 жылдың аяғында шығады. Компания модельді басқа елдерге экспорттай ма, белгісіз. Марка Highlander-дің төртінші буынын бұған дейін Қазақстанда ресми түрде сатқан, бірақ қазір бұл кроссовер жоқ.