BYD Солтүстік Америкада жылдам қуаттау станцияларын іске қоспақшы

Қазір Қытайда BYD-дің 6400-ден астам 1500 киловаттық қуаттағышы жұмыс істейді. Олардың көбі 319 қалада бар. 400 шақырымға жететін энергия қорын бірнеше минутта толтыруға болады.

Жылдам станциялар 1000 вольттық архитектурасы бар және екінші буындағы Blade аккумуляторымен жабдықталған BYD, Denza және Yangwang брендтерінің өнімдеріне ғана емес, борттық желісі мен протоколы өте жоғары токты қабылдай алатын басқа өндірушілердің көлігіне қуат бере алады.

1 / 5

• 
• 
• 
• 
• 

1 / 5

Жақында суперчарджерді Канада тұрғындары қолданып көреді. Electrek басылымының мәліметінше елде 1500 киловаттық бекетті дамытуға жауапты мамандарды іріктеу басталған. BYD автомобильдерін Канадаға әлі жеткізген жоқ. Бұл брендтің Солтүстік Америка нарығына қатысты жоспары ауқымды екенін көрсетеді.

BYD қуаттағышын басқа елдерде ұсынуға ниетті. Компания 2027 жылдың аяғына дейін 3000 станция орнатуды жоспарлап отыр. Жақында BYD-дің жылдам қуаттау желісі Аустралия мен Жаңа Зеландияда пайда болады. Кейін электромобиль нарығы дамыған сайын Латын Америкасы, Таяу Шығыс және Африка елдерінде қосылады.