Мыңдаған Қытай электромобилі АҚШ-қа кірді

Жақында АҚШ-та Аризона штатының Меса қаласындағы корпоративтік тұрақтардың бірінде бұрын елде болмаған ашық көк түсті шағын фургондар көзге түсті.

Олар Қытайда Нинбодағы зауытта жасалатын Zeekr CM1e электромобилі екен. Биыл Google мен Alphabet-ке тиесілі Waymo 3200 данасын роботакси ретінде пайдалану үшін сатып алған. АҚШ билігі Қытайдың борттық электроникасына тыйым салынғандықтан, өндіруші шанақ және электрлі күштік құрылым жеткізеді, ал Waymo автономды жүргізу жүйесінің аппараттық және бағдарламалық жасақтамасын өзі орнатады. Олар 4 лидар, 6 радар және 13 камерадан тұрады.

Zeekr CM1e Geely компаниясының SEA-M платформасына негізделген 800 вольттық архитектурасын пайдаланады. Көлік 93 кВт⋅сағ батарея және артқы осьтегі 268 ат күшіне ие электромотормен жабдықталады. Ортаңғы тіреуі жоқ шанақтың екі жағында жылжымалы есіктер бар. Қауіпсіздік мақсатында электрлі рөл басқару және тежеу жүйелері екеу. Бір Қытайда бұл модель сатылмайды, себебі ол бастапқыда компаниялардың ішкі қажеттіліктері және автономды такси қызметтері үшін жасалған.

1 / 7

• 
• 
• 
• 
• 
• 
• 

1 / 7

Алпауыт компания 102.5 % кедендік баж салығын төледі. Қосымша жабдықтарды қосқанда Ojai (Калифорниядағы шағын қала атауы) деп аталатын бір роботаксидің жалпы құны 103 мың долларға жетеді. Арзан емес. Дегенмен бұған дейінгі Jaguar I-Pace-ке негізделген бір роботакси 200 мың доллар тұрғанын ескерген жөн.

Ojai көліктерін алғаш болып Сан-Франциско, Финикс және Лос-Анджелес тұрғындары сынап көрді. Биыл жазда осы қалаларда олар жолаушы тасымалдай бастады. Қытайлық өнім жолаушыларға ұнады: отырған ыңғайлы, салоны кең, ал аспасы «ягуарға» қарағанда жұмсақ.