Кейінгі жылдары Қытайдағы бірнеше электроника өндіруші машина жасауға кіріскен. Қатарында Xiaomi, Huawei және Dreame бар. Алғашқы екеуі жаңа салада орнын тапса, Dreame-дің автомобиль тарихы басталмай жатып аяқталған сияқты.
Тұрмыстық техникасымен танымал бренд электромобиль әзірлеуді былтыр тамызда бастады. Марка нарыққа қуатты гиперкармен кіруді жоспарлады. Бірнеше айда Dreame Auto көпшілікке бес түрлі концептісін көрсетті. Арасында дизайны Rolls-Royce-қа ұқсайтын кроссовер де болды.
Алайда көлік өндірісін бастамады. ITHome порталы хабарлағандай, Dreame Auto жұмыс орнын қысқартып жатыр. Автомобиль бөлімшесінде бұрын 1000 адам еңбек етсе, қазір жиырма шақтысы қалыпты. Олар инженер емес, компанияны жабатын заңгерлер, HR және бухгалтерлер. Dreame Auto қызметін толық тоқтатпай, шағын форматта жұмысын жалғастыруы мүмкін.
China Economy инсайдерлерге сілтеме жасап хабарлағандай, бөлімше барлық күшін машина әзірлеуге емес, маркетинг пен инвестор іздеуге жұмсапты. Ал концептілер жай ғана макет болған.
Комментариев: 0