Билік 2025 жылғы көлік салығын төлеуді қашан талап ете бастайды?

Мемлекеттік кірістер агенттігінің Алматыдағы департаменті сот орындаушыларымен бірге салықтан жалтарғандарды іздей бастады. Агенттік мегаполистің 85 024 тұрғыны елге жалпы 7 млрд теңге қарыз деп мәлімдеді, көбі қозғалтқыш көлемі 4000 текше см-ден жоғары көлік мініп жүргендер екен. Тексеріс барысында берешегі бар азаматтар жолдағы камера көмегімен ұсталып, машина айыптұраққа аттанады. Тәртіп сақшылары әзірше тек бұрынғы қарыздары жиналып қалған жүргізушілерді анықтап жатыр.

2025 жылғы салықты төлемегендер 10 мамырдан бастап құзырлы органның назарына ілігеді. Дәл осы күні департамент оларға салық бұйрығын жібере бастайды. Көлік иесі құжат алған соң бес күн ішінде негізгі сома мен оған үстелген өсімпұлдан құтылмаса, іс оны мәжбүрлі түрде өндіріп алатын жеке сот орындаушысының қолына өтеді.