2026 жылдың алғашқы үш айында елдегі несие нарығында көлікті кредитке алатындардың саны азайғаны байқалды. Мұны Ұлттық банк тоқсан сайын өткізетін сауалнамаға қатысқан 21 қаржы ұйымының жауабынан білуге болады.
Мамандардың пікірінше жаңа автомобильдің бағасы біршама түскендіктен, мемлекет субсидия беретін кредит түрлері халыққа онша қызық болмай қалған. Автосалондар жыл басында көптеген жеңілдік жасаса, бірнеше марка көктемде де прайсын өзгертті.
Былтырғы IV тоқсанмен салыстырғанда автонесиеге өтініш берген тұрғындардың қатары сиреп, 20 % (1.2 млн) кеміген. Бірақ сұралған сома 12 % (7.2 млн теңге) жоғарылапты.
Ұлттық банк автонесиені мақұлдау коэффициенті (15 %-ға дейін) түскенін атап өтті.
Қазір автокредиттің көп рәсімделмеуіне сұраныс төмендеуі себеп болса, біаз уақыттан кейін бұған реттеуші органның шешімі ықпал ететін сияқты. 1 шілдеден бастап банктер клиенттің төлем қабілетін мұқият тексереді, 2027 жылғы 1 қаңтардан бастап автокредит рәсімдемей тұрып клиенттің қарыз жүктемесін есептейді. Салдарынан кредитке көп адамның қолы жетпейді.
Комментариев: 0