Бірнеше адам Нью-Джерсиде сотқа Volkswagen AG концерніне қарсы ұжымдық арыз түсірді, дау қозғалтқыштарға қатысты. Америкалықтар екі литрлік EA888 турбомоторының май шығыны шамадан көп деп санайды. Бұл күрделі проблемаға себеп болуы мүмкін деп жазды Carscoops.
Поршень сақинасы жану камерасына тым көп май өткізіп жібереді деген болжам бар. Соның салдарынан пайда болатын күйе желдеткіш клапанды (PCV) тоқтатып тастауы ықтимал. Бұл картердегі қысымды арттырып, тығыздағыш пен төсемшенің істен шығуына себеп болады.
Талапкерлердің бірі, техастық Лоретта Мутра осы проблемаларға қарамастан, басқа маркаға ауыспапты. Ол алғаш 2019 жылы Volkswagen
Tiguan-ды лизинг арқылы алған кезде осындай жағдайға тап болған. Тұрғын ол машинаны 2022 жылы қайтарып, орнына жаңа Tiguan алыпты, 2024 жылы оны да дилерге өткізіп, Atlas Cross Sport моделін таңдаған.
Майдың көп жұмсалуына картердің пластик табанындағы жарық, клапан қақпағынан май ағу, оталдыру білтесінің ластануы және мотор жұмысының тұрақсыздығы да әсер етеді.
Арызданған азаматтардың сөзінше дилерлер агрегатты кепілдікке сай жөндегенімен, проблеманың түпкі себебін жоймай, ақау шыққан компонентті ғана ауыстырады. Оның үстіне бұл машинаның нарықтағы құнын төмендетеді.
Мұндай машина аз емес.
Комментариев: 0