АВТОВАЗ Lada Aura-ның электрлі нұсқасын көрсетті

«ЭлектроТранс-2025» көрмесінде Lada-ның e-Aura деп аталатын ерекше түрленімі жарық көрді. Автомобиль e-Largus-тың 63 ат күшіне ие (240 Нм) электромотормен жүреді. Батареялы бизнес-седан алғашқы жүздікті 8 секундта еңсереді, яғни бензинді нұсқасынан 4.5 секунд жылдам болады.

Машинаның ең жоғары жылдамдығы сағатына 150 шақырымнан аспайды. Сыйымдылығы 56 кВт·сағ литий-никель-кобальт-марганец батареясы бар жаңа өнімнің жүріс қоры — 350 км. Автомобиль салмағы небәрі 50 келі артқан.

1 / 9

• 
• 
• 
• 
• 
• 
• 
• 
• 

1 / 9

Электрлі нұсқаның жабдықтар тізімі дәстүрлі мотормен жүретін Aura-нікіне ұқсас. Машина көрінбейтін аймақты бақылау, Yandeх сервисі бар мультимедиа, былғарымен қапталған салон, жылытуға болатын орындық және жылытуға болатын рөлмен жабдықталған.

АВТОВАЗ Lada e-Aura-ны сериялы өндіріске шығармайды, оны марканың мүмкіндігін паш ету үшін көрсетіп отыр. «Бұл автомобильді көрмеге брендтің даму потенциалын көрсетуге арналған vision жоба ретінде ұсынып отырмыз», — деп жазды марканың баспасөз қызметі.

Дәстүрлі мотормен жүретін Aura-ға сұраныс жоғары емес. «Автостат» 2025 жылдың I тоқсанында модельдің небәрі 118 экземпляры өткенін хабарлады. e-Largus-ты мысалға алсақ, электрлі седанға қызығатындар тіптен аз болуы мүмкін.