АҚШ-та Corvette рестомоды бәссаудаға түседі

Chevrolet Corvette алғаш рет 1953 жылдың қаңтарында Нью-Йорктегі Waldorf-Astoria қонақ үйінде жарық көргенде GM басшылары шыны талшықты шанағы бар көрмеге арналған экземплярдың болашағы туралы ойламады. Еуропаға тән стильде жасалған екі есікті көліктің атауы да есте қаларлық емес еді. Өйткені кішкентай әскери кеме корвет деп аталатын. Ол арзан және танымал болғандықтан, елдер оны күзет және барлау үшін қолданған.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Жұрт жаңа өнімді жылы қабылдады, нәтижесінде концепт сериялық өндіріске шықты. Кейін Corvette толыққанды спорткарға айналды. Алғашқы жылдары автомобиль 150 ат күшін беретін қарапайым алты цилиндрлі 3.9 литрлік мотор, бүтін артқы белдік және арзан модельге тән басқа жабдықтар алды.

1954 жылғы ескі Corvette-ті жаңартқан мамандар қозғалтқыш пен беріліс қорабын ауыстырып, бесінші буындағы Z06-ның 405 ат күшіне ие 5.7 литрлік LS6 моторын және 6 сатылы Tremec механикалық қорабын орнатты. Машина койловерлері реттелетін алдыңғы және артқы тәуелсіз аспа, рөлді гидрокүшейткіш, дискілі тежеуіштермен жабдықталды.

Шеберлер «корветтің» шанағын қайта бояды. Schott Wheels дискілері түпнұсқаға сай болмаса да, айнадай жылтыр қара машина заманауи көрінеді.

1 / 8

• 
• 
• 
• 
• 
• 
• 
• 

1 / 8

Мамандар зауыт қойған аспаптар панелін, қызыл былғарымен қапталған салонын және Vintage Air кондиционер жүйесін қалпына келтірген, сонымен қатар диаметрі кіші, қалың Sparco рөлін орнатты.

1954 жылғы Chevrolet Corvette рестомоды 16 қаңтарда Флоридадағы Mecum аукционына қатысады. Көліктің сапасы мен статусын ескерсек, бағасы жоғары болатыны сөзсіз.