Ерекше Pajero аукционға қатысады

1990 жылдардың екінші жартысында Mitsubishi топтамасына Pajero-ның атауында Junior қосымшасы бар жаңа нұсқасы қосылды. Оны атақты жол талғамайтын көлікпен атауы, кейбір дизайн элементі және толық жетек жүйесі ғана байланыстыратын. Машина Minica кей-карына негізделген.

1 / 11

• 
• 
• 
• 
• 
• 
• 
• 
• 
• 
• 

1 / 11

«Джуниор» өндірісінің соңына қарай, нақтырақ айтқанда 1997 жылы марка модельдің Flying Pug түрленімін шығарды, ол ретро стильдегі дизайнымен сол кезде Жапонияда танымал бола бастаған Британияның классикалық автомобильдерін еске салатын. Mitsubishi әу баста 1000 Flying Pug жасауды жоспарлаған, бірақ сұлбасы сынға ұшырап, сұраныс аз болғандықтан тираж 139 данамен шектелді. Солардың бірін Mecum аукцион үйі сатайын деп жатыр.

Саудаға шыққан экземпляр 28 жылда 131 241 шақырымды артқа тастапты. Автомобиль 79 ат күшіне ие (98 Нм) 1.1 литрлік төрт цилиндрлі атмосфералы мотормен жүреді. Агрегат 3 сатылы автомат қорап және толық жетек жүйесімен жұмыс істейді.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Бұл Flying Pug қаншаға өтетіні белгісіз. Бірақ бұдан бірнеше жыл бұрын АҚШ-та 236 000 км жүрген осындай машина 12 мың долларға бағаланған.