130 000 долларға бағаланған Land Cruiser 80

Өткен демалыста АҚШ-та Mecum аукцион үйінің саудасы өтетін Монтерейдегі автомобиль апталығы аяқталды. Аукционда ондаған әйгілі спорткар, суперкар, түрлі рестомод пен нағыз жарыс болидтерінің арасында 1997 жылы шыққан стандарт Toyota Land Cruiser 80 болды. Бұл экземпляр жүріп өткен жолымен ерекшеленеді. Бүгінге дейін машина небәрі 4688 миль (7544 км) еңсерген.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Автомобильдің іші де, сырты да толығымен түпнұсқа қалпында сақталған. Ол 215 ат күшіне ие (373 Нм) 4.5 литрлік алты цилиндрлі 1FZ-FE қозғалтқышымен жүреді. Мотор 4 сатылы автомат және ортаңғы дифференциалы бұғатталатын, 2 сатылы үлестіргіші бар тұрақты толық жетек жүйесімен жұптаса жұмыс істейді.

Жол талғамайтын көліктің тарихы туралы ақпарат лот сипаттамасында жоқ. Дегенмен бұл Land Cruiser аукционға бірінші рет қатысып отырған жоқ. Алғашқы иесі LC 80-ді Калифорниядағы дилерден жаңа күйінде сатып алған. Кейін ұзақ уақыт гаражда тұрыпты. Иесі қайтыс болған соң туыстары трейд-ин арқылы сатып жіберген.

1 / 11

• 
• 
• 
• 
• 
• 
• 
• 
• 
• 
• 

1 / 11

Жаңа иесі Toyota-ны 2021 жылы алған. Содан бері көлік бірнеше рет аукционға қатысты, алдағы уақытта тағы саудаға шығуы мүмкін. Себебі машина Монтерейдегі бәссаудада иесін таппады. Баға 130 000 долларға (60.2 млн теңге) жетті, бірақ бұл сома сатушы үшін аз болған. Нақты қаншаға сатқысы келгені белгісіз, өйткені соңғы рет ол 2024 жылы 170 000 долларға өткен.