АҚШ-та ескі Lexus LS бәссаудаға түсті

Америкада онлайн-саудаға ерекше автомобиль қатысты. Зауытта UCF20 индексін алған екінші буындағы Lexus LS 400 сирек кездеседі дей алмаймыз. 1994-2000 жылдары 140 мыңнан аса экземпляры конвейерден түскен. Бірақ біз сөз етіп отырған машинаға таласқан адам көп. 26 жастағы темір тұлпар 46 мың долларға (21.7 млн теңге) өтті. Мұнша ақшаға Қазақстанда автосалоннан су жаңа гибрид Camry аласыз.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Көліктің бағасына аз жүргені әсер еткен, осы уақытқа дейін небәрі 2388 шақырымды еңсеріпті. Яғни, оны жаңа деуге негіз бар. Алайда жағдайы керемет емес. Сатушы лак-бояу жабыны сырылған, дөңгелек дискілері мен істен шыққан спидометріне назар аудару керек деп жазыпты. Иесі бензин багы мен сорғысын ауыстырып, бүкіл техникалық сұйықтығын жаңартқан.

Модель 4 литрлік V8-бен (1UZ-FE) жүреді. 290 ат күші мен 407 Нм момент беретін агрегат артқы дөңгелектерді ғана айналдыратын 5 сатылы автоматпен жұмыс істейді.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Лот сипаттамасында көліктің тарихына қатысты мәлімет аз. Тек 56 574 доллар (инфляцияны ескерсек, қазір шамамен 110 мың) тұратын Platinum Series комплектациясындағы Lexus 2000 жылы Беверли-Хиллздегі марка дилеріне жеткені, кейін жабық қоймада сақталғанын белгілі. Ал сатушы оны 2025 жылы мұра ретінде алыпты.