Алғашқы Ferrari Luce 40 000 000 долларға өтті

Биыл мамырда Ferrari алғашқы электрокарын көрсетіп, оны Luce деп атады. Дизайны ерекше көлік бірден сынға ұшырады. Дегенмен Ferrari-дің электрлі моделіне алдын ала тапсырыс бергендер көп. Басылымдар кейбір нарықта квота бірден таусылып қалғанын хабарлады.

1 / 10

• 
• 
• 
• 
• 
• 
• 
• 
• 
• 

1 / 10

Клиенттер көлігін әлі күтіп отырса, Madreperla түсіне боялған Luce-нің алғашқы экземпляры иесіне жол тартты. Автомобиль Monterey Car Week аясында өткен аукционда сатылды.

Электромобиль 1.1 млн долларға сатылады деген болжам болған, бірақ баға 40 млн долларға жетті. Электрлі Ferrari 87 жастағы дәрігер әрі өнертапқыш Герберт Вертхаймға бұйырды. Оның байлығы 5 млрд доллар шамасында. Аукционнан түскен қаражат The Ferrari Foundation қайырымдылық қорына жіберіледі екен.

1 / 9

• 
• 
• 
• 
• 
• 
• 
• 
• 

1 / 9

Вертхайм танымал коллекционер ғана емес, Ferrari-дің маңызды клиенттерінің бірі. Былтыр ол аукционда бірегей Ferrari Daytona SP3 Tailor Made-ті 26 млн долларға алып, жаңа автомобильдер арасында баға рекордын орнатты. Биыл миллиардер Luce-нің арқасында рекордты жаңартты.