Алматыға ақылы кіруге міндеттейтін ереже жыл аяғына дейін күшіне енеді

Биыл тамызда Алматы әкімдігі арнайы экологиялық талаптар енгізу жөніндегі жоба құжатын қоғам талқысына салды. Билік оны қабылдаса, бүкіл мегаполис аумағы зиян газ аз тарайтын аумақ ретінде белгіленеді. Оңтүстік астанаға экологиялық класы Еуро-5-тен төмен емес бензин және газбен жүретін көлік пен электромобиль тегін кіреді. Қалғандары, тіпті жаңа дизельді көлік иелері ақша жұмсауға мәжбүр болады.

Қала билігі құрған жоспардың заңдылығы үлкен күмән тудырып отыр. Әлеуметтік желіде жүргізушілер қосымша экотөлемге қарсы пікір жазды. Дегенмен бүгін брифингте шаһар басшысының орынбасары Алмасхан Сматлаев жаңа ереже енгізуге құзырлы органдар келісті және жыл аяғына дейін қалалық мәслихат қарауына жібереміз деді.

Алматы депутаттары ойланып шешім қабылдайды деп үміттенеміз.