Алматыға немесе оның жеке аудандарына ақылы кіру туралы ой көп жылдан бері айтылып келеді. Соңғы жылдары мегаполисті дамыту бағдарламаларында қаланың кейбір бөлігіне кіруді шектеу жоспары да пайда болды. Билік бұл бағытта белсенді жұмыс істеп жатқан сияқты. Мысалы, жол ережесіне механикалық көлік құралын экологиялық класы бойынша шектейтін аймақты көрсететін жаңа белгілер (5.50, 5.51 және 7.24) қосылды.
Енді Алматының ауасын сақтау саласында арнайы экологиялық талап енгізу идеясын талқылау процесі басталды.
Ақылы экологиялық аймақтар
Әкімдік бұл ереже арқылы қаланы шығарынды деңгейі төмен аймақтарға бөле алады. Мұндай аймақтар белгімен немесе таңбамен көрсетіледі. Оған бензин және газбен жүретін, экологиялық класы
Мына органдарға тиесілі қызметтік көліктер тегін кіре алады, олар:
- жедел жәрдем қызметі;
- апаттық-құтқару қызметі;
- құқық қорғау органдары;
- көлік бақылау органдары;
- арнайы мемлекеттік органдар;
- ҚР Қарулы күштері, өзге әскер және әскери құралымдар;
- жолды күтіп ұстайтын және техникалық қызмет атқаратын ұйым;
- зертхана-талдама бақылау ұйымдары.
Бірнеше жолмен төлем жасауға болады. Жүргізуші ақылы жолдардағыдай арнайы депозиттік есепшот арқылы немесе жеті күннен кешіктірмей төлейді. Жергілікті тұрғындар мен белгілі бір ауданда жұмыс істейтіндер абонемент алады. Оны алу үшін көлік иесі «Таза қала» деп аталатын арнайы дерекқорға тіркеліп, техникалық тексерістен өтуі керек.
Кіру ақысын төлемегендер қоршаған ортаны қорғау жөніндегі санитарлық-эпидемиологиялық және экологиялық талаптарды бұзғаны үшін Әкімшілік кодекстің
324-бабы бойынша жауапқа тартылуы мүмкін. Жеке тұлғаларға ескерту жасалады немесе 10 АЕК мөлшерінде айыппұл салынады.
Арнайы техникалық байқау
Стандарт техникалық байқаумен абонемент алу мүмкін емес. Ол үшін көліктің нақты шығарынды деңгейін өлшейтін арнайы тексерістен өту қажет.
Мұндай орталықтар болашақта құрылып, жұмыс істеп тұрған техникалық байқау орталығына қосылады және нәтижені операторға онлайн жіберетін жаңа бағдарламамен жабдықталады. Көлігін қосымша техникалық байқаудан өткізгісіі келетіндер арнайы верификациядан өтеді.
Арнайы техникалық байқау 12 айға жарайды.
Автопаркті жаңартуға ынталандыру
Құжатта қаладағы жеке және қоғамдық көлікті жаңартуға ынталандыруға бағытталған бірқатар шара ұйымдастыру көзделген. Бұл бағдарламаны жүзеге асыру үшін әкімдік бірнеше қаражат көзінен ақша алады:
- экологиялық аймақтарға кіру ақысынан түскен қаражат;
- жергілікті бюджет;
- утиль алымы.
Билік 2025 жылдың 1 қыркүйегіне дейін тұрғындарға Алматыда тіркелген экологиялық класы төмен машинасын сатып алуды ұсынады. Бағаны әкімдік белгілейді және тек жүретін автомобильді алады.
Жаңа автомобиль алуға жеңілдік, экозонаға кіру ақысының бір бөлігін автосалондағы төлемге пайдалану, қоғамдық көлікте тегін жүру сияқты ынталандыру шаралары қарастырылған.
Мемлекет күн суық кезде қоғамдық көліктің қозғалтқыш қыздыру уақытын қысқарту үшін автономды жылыту жүйесін немесе электрлі қыздырғыш орнатып, ай сайын шығарынды деңгейін тексермекші.
Қосымша шаралар
Алматыда шығарынды мөлшерін азайту және бақылау үшін мынадай ережелер енуі мүмкін:
- топырақ, қоқыс, төгілетін құрылыс материалдары, жеңіл жәшік, жапырақ, кесілген ағаш тасымалдағанда үстін брезентпен немесе басқа материалмен жабу;
- шаңды басу технологиясын қолданбай жер қазу, бордюр кесу сияқты жұмыстар жүргізуге тыйым салу.
Алматы қаласы аумағында нейтрализатор (ұсталғандары да) айналымын реттеу ережесін әзірлеу және бекіту құқығы әкімдікке беріледі.
Билік көлік иелерін ғана емес, көмір пайдаланатын кәуәпхана, монша, сауна сияқты ауаны ластайтын басқа жерлерді де бақылауды жоспарлап отыр. Газ тартылған аудандарда жеке тұлғаға сұйық немесе қатты отын пайдалануға және фейерверк қолдануға тыйым салынуы мүмкін.
Құжаттың толық мәтінімен «Ашық НҚА» порталында сілтеме арқылы танысып, пікір қалдыруға болады. Жобаны талқылау 20 тамызға дейін жалғасады.
Комментариев: 0