Өткен түні мегаполис жолдарын қар басып, күн күрт суыды. Сағат 6:00 шамасында 3 см қар жауған. Бірақ полицейлер көшелер тайғақ еместігін, жағдай әзірше тұрақты екенін хабарлады.
Қалада температура нөл градустан түспесе де (тауда —2 °С), дизельмен жүретін машиналар оталмаған. Жүргізушілер жанармай бекеттерін аралап жүріп, әрең тапқан және қымбатқа сатып алып, багын толтырған дизель қатып қалыпты.
Стандарт бойынша жазғы дизель —5 °С-та лайланып, —10 °С-та қатуы керек. Биыл төрт жыл бұрынғы жағдай қайталанған сияқты. Ол кезде сұйық отын тапшылығы сезілгендіктен, жергілікті мұнай өңдейтін зауыттар асығыс күн сәл суыса қатып қалатын, сапасы нашар дизель өндіріп еді.
Алматыда қар әлі жауып жатыр. Синоптиктер бүгін ауа температурасы +3 °С-тан көтерілмейді деп болжады.
Комментариев: 0