Қазіргі геосаяси шиеленіс, халықаралық логистикадағы қиындық және әлемдік энергетика нарығындағы өзгерістерге байланысты Қырғыз Республикасының Энергетика министрлігі ішкі нарықты жанармаймен тұрақты қамтамасыз ету бағытында жұмыс істеп жатыр.
Сол себепті Қазақстан, Ресей, Беларусь, Әзербайжан, Өзбекстан, Түрікменстан сияқты көрші елдермен жанармай жеткізу жөнінде келіссөз жүргізе бастады. Билік жанармай жеткізетін басқа да серіктестер іздеп жатыр.
Министрлік дәл қазір Қырғызстанда жанармай тапшы емес әрі қор жеткілікті деді.
Маусымның аяғында Reuters агенттігі Ресей де бізден бензин алуы мүмкін деген ақпарат тараған. ҚР Энергетика министрлігі солтүстіктегі көршімізден отын жеткізу жөнінде ресми өтініш түспегенін, бірақ елде артық өнім болса, тиімді коммерциялық шарт бойынша жанармай жеткізу мүмкіндігін қарастыруға дайын екенін айтқан.
Комментариев: 0