ҚР үкіметінің акциз мөлшерлемелерін өзгерту туралы қаулысы 1 қаңтардан бастап күшіне енеді. Құжатқа сәйкес, дизельді отынға арналған акциз өзгеріссіз қалады, ал отандық мұнай өңдейтін зауыттардан шығатын бензин (авиациялық бензинді қоспағанда) акцизі тоннасына 10 500-ден 24 435 теңгеге, яғни 2.5 есе өседі.
Бүгін орталық коммуникация қызметінің брифингінде энергетика вице-министрі Әсет Мағауов мәлімдегендей, жанармай құю бекеттерінде бензин бағасы литріне 10 теңгеге қымбаттайды, бірақ бұл бірден емес, шамамен бір ай ішінде жүзеге асады.
Бұрында үкіметтегілер бензиннің қымбаттауы өнімнің өзіндік құны мен инфляцияға үлкен ықпал етпейді деген болатын. Шенділер осылайша бюджетке қосымша 50.6 млрд теңге көлемінде пайда түсірмек ниетте. Бұл қаражат әлеуметтік салаға жұмсалады.
Комментариев: 0