2022 жылғы 22 тамызда «Бағаны мемлекеттік реттеу белгіленген мұнай өнімдерін бөлшек сатуда шекті баға белгілеу туралы» ҚР Энергетика министрінің 2015 жылғы 19 мамырдағы № 361 бұйрығына өзгеріс енді. Бұл құжатта дизельдің дифференциал бағасы көрсетілген. Шенділер осы арқылы отынның шетелге кетуіне тосқауыл қоймақ.
Қазақстан азаматы дизельді бұрынғыдай, облысқа байланысты 230-260 теңгеден алады. Бірақ шектеу бар. Тәулігіне жеңіл машинаға 100 литр, жүк көлігі мен қоғамдық көлікке 300 литр дизель осы бағамен сатылады. Егер одан асса, әр литрі 450 теңгеден беріледі.
Отынды 260 теңгеден арзанға алу үшін жүк көлігі, арнайы техника, автобус жүргізушілері жеке куәлігі мен көлік құралын тіркеу туралы куәлігін көрсетуі керек.
Ал шетелдіктер дизельдің әр литрін 450 теңгеден алады.
Шенділер жанармай құю бекетінде кім, қанша отын алғанын қалай тексеретіні белгісіз. Құжатта бұл туралы мәлімет жоқ. ҚР Энергетика министрлігі мүдделі тараптармен бірге тәулігіне қанша литр солярка сатылғанын қадағалайтын ақпараттық жүйені анықтау мәселесін пысықтап жатқанын хабарлады.
Жаңа бұйрық күшіне енгеннен кейін жанармай құйдыңыз ба? Пікір жазыңыз.
Комментариев: 0