Үкімет отырысында энергетика министрі Болат Ақшолақов дизельмен байланысты қиындық туғанын мойындады. Солярка талон мен карта арқылы немесе көлемін шектеп сатылып жатыр. Шендінің сөзіне сенсек, елде 220.8 тонна дизель қоры бар. Мұнай өңдейтін зауыттар жеткілікті мөлшерде шығарғанмен, бекетке жеткізуде мәселе бары анықталған.
Мұнай өңдейтін зауыттан өнімді тиеу бір қарқынмен жүзеге асып жатқан жоқ, бос вагон-цистерна саны аз, вагонды жеткізу пунктіне алып бару мерзімі ұзарғаны байқалады, — деді министр.
Шенді зауыттан теміржолға дейінгі дизель жеткізуге қатысушылардың бәрі мемлекеттік органдармен бірге үйлесімді әрі бір тәртіпте жұмыс істеуі керек екенін атап өтті.
Біраз уақыт бұрын шенділер жағдайдың ушығуын отынды елден шығарып жатқан транзиттік жүк көліктерінен көрген. Мәселені шешу үшін 22 тамызда дифференциал баға белгіледі. Қазір шетелдіктер дизельдің 1 литрін 450 теңгеге алады.
Комментариев: 0