Әлемде көптеген ата-ана кроссовер мінеді, соған қарамастан олардың балалары басқаша көлік тізгіндеуге ниетті.
Ақпанның аяғында Escalent компаниясы 14-19 жастағы жасөспірімдер арасында қандай автомобильді таңдайсыз және жеке көлік қажет пе деген тақырыпта сауалнама жүргізді.
Сауалнамаға қатысқандардың төрттен үші (77 %) көлік жүргізе білу өте маңызды екенін, ал 83 %-ы жеке автомобильге иелік ету едәуір маңызды екенін айтқан. Бұған таңғалудың қажеті жоқ, өйткені АҚШ-та жеке көлік сән-салтанат емес, қажеттілік саналады.
Жасөспірімдердің жартысынан көбі (51 %) болашақта седан мінгісі келеді екен. Ал 31 %-ы жол талғамайтын көлік пен кроссоверді жөн көрсе, 14-ы пикапты таңдаған. Минивэн мен универсалға дауыс бергендер өте аз.
Олардың талғамы өзгере ме, жоқ па, уақыт көрсетеді. Бірақ ересек автосүйер қауым да қайтадан жеңіл машина рөліне отыруға қарсы емес сияқты. Stellantis компаниясының бас дизайнері Ральф Жиль SUV-ге деген қызығушылық аяқталуға жақын, адамдар басқару ыңғайлы, тұраққа қою жеңіл автомобиль жүргізгісі келеді. Жастар қалада 1980 жылдардағы Volkswagen Golf GTI сияқты хетчбектермен жүйткуді армандайды деді. Оның сөзін Motor1 басылымы жариялады.
АҚШ-та өз өнімін сатып жатқан автоконцерндердің көбінде седан бар. Бірақ мәселе бағаға келіп тіреледі. Дилерлік орталықтардан алғашқы автомобиль ретінде алуға болатын арзан модель табу қиын, мұндай машина әдетте ескі көліктер нарығында ғана кездеседі.
Комментариев: 0