BMW модельдерінің техникалық бөлігі мен экстерьерін әрлеумен танылған Ахен қаласындағы AC Schnitzer компаниясы биыл жыл аяғында жабылады. Ательенің 40 жылдық мерейтойына сәл ғана жетпей қалды. Компания түрлі қолайсыз фактордың әсерінен амалсыз жабылғалы отыр.
Басты себеп — жас автосүйер қауым мотор мен аспаны әрлейтін классикалық тюнинг дегенге қызықпайды. Өйткені дәстүрлі мотормен жүретін машиналар дәуірі аяқталуға жақын, ал спорттық электрмобильде басымдық мүлде басқа. Инфляция салдарынан шикізат пен еңбек күші қымбаттап, саудаға кері әсерін тигізді. Германиядағы сертификаттау процесінің ұзақтығы (8–9 айға дейін созылады) да клиенттердің азаюына ықпал етті.
Бас компания KOHL Group хабарлағандай, AC Schnitzer 2026 жылдың аяғына дейін қоймадағы қалған өнімді сатады. Бұрын алған міндеттемелерін орындап, ресми жабылған соң да клиенттерге сервистік қызмет көрсетеді.
Алдағы уақытта танымал мамандардан құралған команданы басқа мекеме сатып алуы әбден мүмкін, бірақ қазірше бұл қауесет қана.
2023 жылы қазанда «Мерседес» машиналарын әрлейтін Carlsson ательесі осыған ұқсас себеппен жабылған. Gemballa да осындай жағдайға тап болды, ал Alpina толықтай BMW құрамына өтті.
Комментариев: 0