18 наурызда өткен конференцияда Geely басшылары 2025 жылды қорытындылап, қазіргі көшбасшы BYD-ге қарсы іс-қимыл стратегиясын жариялады. Компания ішкі нарықтағы сауданы жақсартумен қатар, халықаралық экспансияны күшейтуді көздеп отыр.
Geely басшылары 2025 жылғы нәтижеге оң баға берді: таза пайда 14.41 млрд юаньға (2.09 млрд доллар) жетіп, 2024 жылмен салыстырғанда 36 % артқан. Бұған компанияның қымбат машиналарға, соның ішінде Zeekr брендіне басымдық беруі әсер етті. 9X моделі жақсы өтіп, шамамен 40 % табыс әкелді.
2025 жылы Geely 3 млн машина сатты (құрамындағы Volvo, Lotus, Smart және Proton брендтерін есептемегенде). Ал 2026 жылы 3.45 млн автомобиль саудалауды жоспарлап отыр. Бірақ компания бұдан әлдеқайда көп клиент табуға тырысады, өйткені BYD былтыр ішкі нарықта 3.55 млн көліктің кілтін тапсырған.
Geely шетелдегі саудасын да арттыруды жоспарлап отыр. Компания бір жылда шетелде 750 мың машина сатып, әлемдегі дилерлік желісін 1300 орталыққа жеткізуге ниетті деп жазды CarNewsChina. Автоөндіруші әлемдік нарыққа Galaxy E5 және Starship 7 сияқты бестселлерлерін ұсынуға дайын. Ал Zeekr 7X биыл жазда Оңтүстік Кореяда жолға шығады.
Комментариев: 0