Volkswagen AG концернінің бір бөлігі саналатын Škoda-ның жергілікті өндірушілермен бәсекелесуге шамасы жетпей, бұл елде көлік шығарудан да, өнімін сатудан да бас тартуды жөн көрді деп жазды Reuters басылымы.
Компания 2026 жылдың ортасында қызметін тоқтатады деген болжам бар, бірақ бренд аспан асты еліндегі клиенттерді қолдаусыз қалдырмаймыз деп мәлімдеді. Сондықтан сервис-орталықтар жұмысын жалғастырады.
Чех маркасы Қытай аумағына 2005 жылы аяқ басқан. 2007 жылы алғашқы жергілікті моделі — Octavia-ны ұсынды. 2018 жылы саудасы қызғаны соншалық, мұндағы 500 автосалоны 341 000 машина өткізді. Ал қазір нарықтағы үлесі 0.1 % ғана. Былтыр қытайлар небәрі 15 мың Škoda алыпты, салондардың көбі SAIC Volkswagen желісінің құрамына кірді.
Комментариев: 0