«ҚазАвтоЖол» ҰК" АҚ қызметкерлері Kolesa.kz тілшісіне хабарлағандай, 2 шілдеде тас жолдағы бетон жабынының көтеріліп кетуіне ауа температурасының жоғарылауы әсер еткен. Төтенше жағдайдың нақты себебі зерттеліп жатыр. Жол жөндеушілер трассаның 86, 161 және 181-шақырымындағы ақауды тез арада жойды. Жолдың бүлінген бөлігі қоршалып, көліктер жол жиегімен өтті, сонымен қатар жөндеу жүріп жатқан жерде полиция кезекшілік етті.
«Елдің барлық аймағында температура жоғары болуына байланысты ұлттық компанияның аймақтық бөлімшелеріне мүдделі ұйымдармен бірге цемент-бетон жабынына тексеру жүргізу тапсырылды. Комиссияның тексеру нәтижесіне сай барлық ақау шыққан жерлерді қалпына келтіру және цемент-бетон жабынын жөндеу (ауыстыру) шаралары қабылданады», — дейді жол жөндеушілер.
Ел президенті жақында ақылы жолдардың сапасын сынға алды. Мемлекет басшысының айтуынша, ақылы жол керек, бірақ жол сапасы мен қызмет көрсетуді жақсарту қажет.
Алматы — Қорғас тас жолы ақылы. Трассаның басынан соңына дейін жүргізушілер көлік құралының типіне байланысты 300-7610 теңге аралығында төлейді.
Комментариев: 0