Алматы — Қорғас трассасындағы оқыс оқиға туралы өткен жұмада әлеуметтік желі қолданушылары хабарлады. Бетон жабындағы ақау салдарынан бес автомобильдің дөңгелегі бүлінген.
«ҚазАвтоЖол» ҰК" АҚ бетон тақта көтеріліп кеткен жол бөлігіне жауапты мердігерге айыппұл салынғанын хабарлады.
«Оқиға ауыр жүк көлігі жүріп өткеннен кейін болған деген болжам бар. Ауыр салмақ әсерінен бетон тақтаның бір бөлігі бүлініп, сол жерден өткен жеңіл автомобильдердің дөңгелегі зақымданған.
Жол жөндеушілер мердігермен бірге ақауды жылдам жөндеп, аталған жол бөлігін толық қалыпына келтірді, көлік қозғалысына еш кедергі жоқ.
Мердігер машинасы бүлінген жүргізушілерге шығынды толық өтеп берді.
Олардың айтуынша, температура жоғарылауына орай Алматы — Шелек — Қорғас тасжолының
Ақаудың алдын алу мақсатында жол жөндеушілер профилактикалық жұмыстар жүргізіп жатыр. Қазір 21 жол бөлігінде жоғары температура кезінде бетон тақтаның ішкі қысымын азайтуға арналған қосымша деформациялық жік орнатылды. Қалған 10 бөлікте жұмыс жалғасып жатыр.
Айта кетейік, биыл Түркістан облысындағы тас жолдарда төрт мәрте бетон тақта бүлінді. Ал маусымның басында Астана — Павлодар трассасында жол жабыны көтеріліп кеткен.
Комментариев: 0