Елдегі бетон жолдар тағы бүлінді

Шілденің шіліңгір ыстығы жолға жауапты мекемені әбден әбігерге салды. Иә, бетон қайта-қайта көтеріліп, кей жерде тіпті трамплин былай тұрсын, жолды ортасынан қақ бөлген қоршауға ұқсап қалған. Сондай ақауды Шымкент — Өзбекстан трассасымен қозғалған жүргізушілер көрді.

«ҚазАвтоЖол» баспасөз қызметінің дерегінше жоспарлы тексеріс барысында мамандар алты жол бөлігінен кемшілік тапқан. Компания 50-ден аса жұмысшы мен бүкіл қажет техниканы дереу іске тартып, тездетіп жөндепті.

Мамандар цементбетон автомобиль жолын тәулік бойы бақылап отырмыз деді.