Жаңарған Tank 500-дің алғашқы суреттері

Tank 500 рестайлингтен өтетіні туралы ресми ақпарат пайда болды. Суреттерден модельдің сырт келбеті аса өзгермейтінін көруге болады, салоны бұрынғы қалпында қалады. Tank 500 бұрын болмаған бірқатар жаңа опция алады.

Жаңарған Tank 500 көлденең ламелі аз әрі жалпақ радиатор торымен жабдықталады. Фар астында қосымша элементтер бар. Жаңа дизайндағы дискілер қосылды және шанақ түсінің саны артты.

Суретте көліктің шатырындағы лидар анық көрінеді. Ол заманауи жүргізуші ассистенттерінің кешеніне негіз болады. Бағдарламалық жасақтаманы Great Wall әзірлеген, аппаратты Hesai Technology компаниясы жасайды. Tank 500-ге орнатылатын жаңа лидар 60 % кішірейіп, 50 % жеңілдейді, сонымен қатар көру бұрышы мен айқындығы жақсарып, қашықтықты алыстан анықтай алады.

Интерьерінің бір ғана фотосы жарияланған. Ол жаңа әрлеу материалдарын көрсетіп тұрғандай, бірақ төбедегі ірі экран да көзге түседі. Ортаңғы тоннельде қораптың селекторы жоқ, ол жаңарған Tank 300-дегі сияқты рөл жаққа ауысқан болса керек. Рөлі жақсарып, артқы жолаушыларға арналған қосымша функциялары бар панель пайда болады.

Техникалық сипаттамасына қатысты ақпарат әзірге жоқ. Мотор гаммасы өзгермеуі ықтимал. Tank 500 Қытайда сертификат алды, премьерасы алдағы апталарда өтеді.