Great Wall концерні рестайлингтен өткен Tank 300-дің ресми фотосуретін жариялады. Модельдің сырт пішіні жаңарған жоқ, бірақ салонында өзгеріс көп. Марка автомобильдің техникалық сипаттамасын әлі жарияламады. Бұл ақпарат көлік саудаға шығатын кезде белгілі болуы мүмкін, бірақ мотор гаммасы өзгермейді деген болжам бар.
Жаңарған Tank 300-дің сырт пішіні бұрынғымен бірдей, дизайны ретронота мен заманауи мотивтің басын қосады. Бұған дейін жол талғамайтын көліктің радиатор торы басқаша болады деген ақпарат тараған.
Ал салонда винтажды детальдер өте аз. Мысалы, Tank 300-де домалақ желдеткіш дефлекторының орнын көлденең орналасқан жіңішке түрі басқан, ортаңғы дисплей алдыңғы панельмен бірікпей, бөлек тұрады әрі біршама үлкен болады. Соған сай панельдің пішіні өзгереді.
Тоннельде беріліс қорабының селекторы жоқ, ол рөлге көшті. Рөл D пішінді және екі шабақты болады. Тоннельдегі бос орында екі сымсыз қуаттағыш бар, бірнеше физикалық қосқыш өзгеріссіз қалды. Олар трансмиссияның жұмыс режимі, креслоны жылыту және т.б. функция атқарады.
Қытайда Tank 300 үш түрлі күштік құрылыммен сатылады. Олар — 227 ат күшіне ие 2 литрлік бензинді мотор, 186 ат күшіне ие 2.4 литрлік дизельді қозғалтқыш және 408 ат күшіне ие (750 Нм) Hi4-T гибриді. Қозғалтқыш топтамасы өзгеріссіз қалады. Қазақстанда бұл машина 220 ат күшін беретін бензинді турботөрттікпен жүреді. Агрегат сегіз сатылы автомат және екі түрлі толық жетек жүйесімен жұмыс істейді. 2025 жылы шыққан машина 19.4–22.2 млн теңге тұрады.
Комментариев: 0