Салық амнистиясы туралы заңға 2 шілдеде қол қойылды. 19 тамызда басталған науқан 31 желтоқсанға дейін жалғасады. ҚР Қаржы министрлігінің баспасөз қызметі хабарлағандай, 2020 жылдың 1 қаңтарына дейінгі салық кезеңіндегі өсімпұлдың күші жойылу үшін жеке тұлға мүлік, жер, көлік салығы бойынша негізгі қарызын өтеуі тиіс.
Ол үшін өтініш жазудың қажеті жоқ. Негізгі қарыз төленсе, өсімпұл автоматты түрде жойылады. ҚР ҚМ Мемлекеттік кірістер комитетінің есебі бойынша салық амнистиясын 1.2 млн ел азаматы пайдалана алады.
Бір жыл бұрын дәл осындай науқан кезінде 15.9 млрд теңге болатын қарызынан құтылған 755.7 мың жеке тұлғаның 3.1 млрд теңге көлеміндегі өсімпұлы кешірілді.
Комментариев: 0