Жаңа RAV4-ке негізделген Suzuki Across

Suzuki Еуропада Grand Vitara-ның ізбасары саналатын Across-тың екінші буынын көрсетті. Жаңа модель алғашқы буын секілді түрі өзгерген RAV4, бірақ сырттай түпнұсқаға көбірек ұқсайды.

1 / 4

• 
• 
• 
• 

1 / 4

Экстерьерінде шанақ панельдері АҚШ-тағы RAV4 Woodland немесе Жапонияда жүрген Adventure нұсқасымен бірдей. Еуропада RAV4 мұндай бастырықпен сатылмайды, сондықтан Suzuki моделін Toyota-мен шатастырып алмайсыз.

1 / 4

• 
• 
• 
• 

1 / 4

Салонында рөлдегі Suzuki логотипі, цифрлық аспаптар панелі мен мультимедиа дисплейінің интерфейсі ғана өзгерген. Опциялар тізімінде проекциялық дисплей, жүргізуші ассистенттерінің кешені, сымсыз қуаттағыш және т.б. бар.

Suzuki Across — қосылатын гибрид. Күштік құрылымы 2.5 литрлік атмосфералық бензинді қозғалтқыш, e-CVT қорабы, 22.7 киловаттық батарея және артқы дөңгелектерді айналдыратын жеке электромотордан тұрады. Жалпы қуаты 304 ат күшіне тең, электр қуатымен жүріс қоры 100 шақырымға жетеді.

Жаңа Suzuki Across-тың құны әзірге белгісіз, бірінші буынының бағасы Еуропада 58 000 еуродан (34 млн теңге) басталған.