Жаңа Li Auto L9 сертификат алды

Жаңа L9-дың суреттері тарағаннай кейін Қытай өнеркәсіп министрлігі сертификат сынағынан өткен жаңа өнім туралы ақпарат жариялады.

Көлік толыққанды жаңа буын саналса да, дизайны аса өзгермеді. Ұзындығы — 5255 мм, яғни бастапқы L9-дан 37 мм ұзын, дөңгелек базасы 20 мм артты. Кроссовердің ені 2 мм (2000 мм), биіктігі 10 мм (1810 мм) ұлғайды. Салмағы — 2755-2835 кг.

1 / 5

• 
• 
• 
• 
• 

1 / 5

Модельдің күштік құрылымы 154 ат күшіне ие 1.5 литрлік қозғалтқышқа негізделген. Мамандар Power Xinchen компаниясының L2E15M моторын емес, Li Auto әзірлеген жаңа L3E15CA агрегатын орнатты. Электрлі қозғалтқыштардың сипаттамасы сертификатта жазылмаған, бірақ батарея туралы ақпарат бар. L9 CATL-дың 72.7 киловаттық NMC аккумуляторын алады.

Екінші буындағы L9-дың ең жоғары жылдамдығы — 200 км/сағ (алдыңғы буында 180 км/сағ еді). Гибрид режимде отын шығыны — 100 км-ге 0.23 литр. Машина электр қуатымен 340 шақырымды еркін еңсереді. Жалпы жүріс қоры әзірге белгісіз.

Жаңа L9 артқы дөңгелектері бұрылатын толық басқарылатын шасси, жақсарған бейімделгіш аспа және т.б. жабдықталады. Рөл мен дөңгелек арасында тікелей механикалық байланыс жоқ.

Қытайдағы дилерлер автомобильді II тоқсанда сата бастайды. Ең арзанының бағасы — 559 800 юань (39.8 млн теңге). Кейін бізге келуі мүмкін. Брендтің ресми автосалондары Қазақстанда 2025 жылдың аяғында ашылған. Бірінші буындағы L9-дың Ultra комлпектациясы 41.1 млн теңге тұрады.