Еуропа Қытай гибридтерінің импортын қалай тежейді

2024 жылы қытай электромобильдері көбейіп кетті деп шошыған шенділер бұл елден жететін батареялы машинаға 45 %-ға дейін салық салған. Қытайлар қарап отырсын ба? Бар назарын бірден гибридке бұрды. Енді қарт құрлық оның да саудасын шектемек.

Биыл қыркүйекте Еуроодақ Қытай брендтерінен өз еркімен бензоэлектрлі көлік жеткізбеуді сұрады. Осы арқылы қазір нарықтың үштен бірін жаулап отырған қытай өнімдерінің үлесін 15 %-ға дейін кемітпек болды.

Алдын ала ақпаратқа сүйенсек, ҚХР мұнымен келіспей, экспорт құнын барынша түсіруге дайын екен. Мұны ЕО-ның сауда жөніндегі комиссары Марош Шефчович пен Қытайдың коммерция министрі Ван Вэньтао келіссөз барысында талқылайды.

Bloomberg қатаң шара ретінде билік тарифтік квота енгізіп, лимиттен асқан әр көліктен қосымша ақы алуы мүмкін деп жазды. Бірақ гибрид импортын қалай шектейтіні белгісіз.